შეუძლიათ თუ არა უცხოელებს საქართველოში უძრავი ქონების ყიდვა?

ბოლო წლებში საქართველო სულ უფრო მიმზიდველი ხდება უცხოელი ინვესტორებისთვის. ამას მრავალი ფაქტორი განაპირობებს, მათ შორის ქვეყნის მდებარეობა, მზარდი ეკონომიკა და უძრავი ქონების ბაზრის დინამიკა. ამ ფონზე ჩნდება კითხვა თუ რა პირობებს სთავაზობს საქართველო უცხოელ მომხმარებლებს და რატომ ირჩევენ ისინი ხშირად ჩვენს ქვეყანას.

შეუძლიათ თუ არა უცხოელებს საქართველოში უძრავი ქონების ყიდვა?

ამ კითხვაზე პასუხი ცალსახაა - დიახ, შეუძლიათ. საქართველოს კანონმდებლობა უძრავი ქონების ყიდვისას თითქმის არ განასხვავებს უცხოელ მოქალაქეებსა და ადგილობრივ მაცხოვრებლებს. უცხოელებს სრული საკუთრების უფლებით საცხოვრებელი ბინების, სახლებისა და კომერციული ფართების შეძენა შეუძლიათ. მათ ასევე აქვთ უფლება, გამოიყენონ, გაყიდონ ან გააქირაონ შეძენილი ქონება.

ერთადერთი გამონაკლისი სასოფლო-სამეურნეო დანიშნულების მიწებია. კონსტიტუცია და ორგანული კანონი პირდაპირ კრძალავს უცხოელი მოქალაქეების, მოქალაქეობის არმქონე პირებისა და უცხოური კომპანიების მიერ ამ ტიპის მიწების პირდაპირ შეძენას. შესაბამისად, თუ უცხოელს სურს თბილისში ან ბათუმში ბინა შეიძინოს, მას ბარიერი არ შეექმნება, თუმცა საკუთარი სახლის ასაშენებლად მიწის ნაკვეთის შეძენას ის ვერ შეძლებს.  

სჭირდებათ თუ არა უცხოელებს რეზიდენტობა ქონების შესაძენად?

რეზიდენტობის სტატუსი არ არის სავალდებულო უძრავი ქონების შესაძენად. უცხოელ მოქალაქეებს ქონების შეძენა შეუძლიათ არარეზიდენტის სტატუსით და, მეტიც, სრულიად დისტანციურად, მინდობილობის (POA) საფუძველზე. ანუ მყიდველს საქართველოში ფიზიკურად ჩამოსვლა არ სჭირდება საიმისოდ, რომ აქ უძრავი ქონების მფლობელი გახდეს.

ამ მიმართულებით საქართველოში საკმაოდ ლოალური პოლიტიკა მოქმედებს, განსხვავებით ევროპის ქვეყნებისგან, სადაც უცხოელ ინვესტორებს ხშირად გაცილებით მკაცრი პირობებისა და ბიუროკრატიის გავლა უწევთ. 

რამდენად უსაფრთხოა უცხოელებისთვის საქართველოში ინვესტირება?

უძღავ ქონებაში ჩადებული ინვესტიციების დაცვის კუთხით, ქვეყანაში საკმაოდ საიმედო გარემოა შექმნილი. რეგისტრაციის პროცესს საჯარო რეესტრის ეროვნული სააგენტო (NAPR) მართავს, რომლის სისტემაც სრულად ელექტრონული და გამჭვირვალეა.

ამასთანავე, საქართველო ბიზნესის კეთების სიმარტივის კუთხით მუდმივად მაღალ პოზიციებს იკავებს მსოფლიო რეიტინგებში, რაც დამატებით მიუთითებს ინვესტიციებისთვის ხელსაყრელ გარემოზე. ცხადია, როგორც ნებისმიერ ქვეყანაში, გარკვეული რისკები აქაც არსებობს, მაგალითად, რეგიონული ფაქტორები ან ბიუროკრატიული შეფერხებები. ამიტომ, შეძენამდე დეტალური იურიდიული შემოწმება, განსაკუთრებით საკუთრების დოკუმენტებისა და ქონების საზღვრების დადგენის მიზნით, ყოველთვის რეკომენდებულია.

როგორია უძრავი ქონების შეძენის პროცესი უცხოელებისთვის?

უცხოელებისთვის უძრავი ქონების შეძენის პროცესი ისეთივეა, როგორიც ადგილობრივებისთვის. ის იწყება შესაფერისი ქონების მოძიებითა და შერჩევით. ამის შემდეგ, თუმცა ეს სავალდებულო არ არის, მიზანშეწონილია იურიდიული შემოწმება, რა დროსაც იურისტის დახმარებით მყიდველი ამოწმებს ქონების იურიდიულ მხარესა და დოკუმენტაციას. ამას მოსდევს მოლაპარაკების ეტაპი, სადაც მხარეები თანხმდებიან ფასსა და გადახდის პირობებზე.

შეთანხმების მიღწევის შემდეგ, დგება ნასყიდობის ხელშეკრულება ქართულ ენაზე და საფასურის გადახდა შეთანხმებული გრაფიკის მიხედვით ხდება. ამის შემდეგ, ყველა საჭირო დოკუმენტი წარედგინება საჯარო რეესტრს რეგისტრაციისთვის. პროცესის ბოლო ეტაპია საკუთრების მოწმობის მიღება, რომელიც ადასტურებს ახალი მესაკუთრის უფლებებს შეძენილ ქონებაზე.

რა გადასახადებს იხდიან უცხოელები საქართველოში?

სხვა ქვეყნებთან შედარებით, საქართველოში უძრავი ქონების შეძენისას გადასახადები დაბალია. მაგალითად, ქონების გადაცემის გადასახადი საერთოდ არ არსებობს. 18%-იანი დღგ შესაძლოა დაემატოს კონკრეტულ შემთხვევებში, ძირითადად მაშინ, როცა ქონებას დღგ-ის გადამხდელი დეველოპერისგან ყიდულობთ. ძირითადი გადასახდელი რეგისტრაციის მოსაკრებელია (სტანდარტული მომსახურება დაახლოებით 50 ლარია, დაჩქარებულისთვის კი 150-200 ლარამდე).

რაც შეეხება ყოველწლიურ გადასახადებს, ქონების გადასახადი დამოკიდებულია მფლობელის ოჯახის წლიურ შემოსავალზე. თუ შემოსავალი 40,000 ლარზე ნაკლებია, გადასახადი არ არსებობს. 40,000-დან 100,000 ლარამდე შემოსავლის დროს, გადასახადი ბაზრის ღირებულების 0.05-დან 0.2%-მდე მერყეობს, ხოლო 100,000 ლარზე მეტი შემოსავლის შემთხვევაში – 0.8-დან 1%-მ

დე. 

ეხმარება თუ არა უძრავი ქონების ფლობა უცხოელს რეზიდენტობის მიღებაში?

უძრავი ქონების ფლობა პირდაპირ არ იძლევა მოქალაქეობას, თუმცა ამარტივებს ქვეყანაში ლეგალურად ყოფნის პროცესს. მინიმუმ 100,000 აშშ დოლარის ღირებულების უძრავი ქონების შეძენა მფლობელს აძლევს დროებითი ბინადრობის ნებართვის მიღების შესაძლებლობას. ეს ნებართვა, როგორც წესი, ვრცელდება ოჯახის წევრებზეც და შემდგომი განახლების პერსპექტივით, 6 თვიდან 1 წლამდე ვადით გაიცემა.

მუდმივი ბინადრობის ნებართვის მისაღებად, ჩვეულებრივ, ქვეყანაში 6-დან 10 წლამდე უწყვეტი ლეგალური ცხოვრებაა საჭირო, თუმცა 300,000 აშშ დოლარის ინვესტიცია ამ პროცესს აჩქარებს. მოქალაქეობა კი, როგორც წესი, ნატურალიზაციის გზით მიიღწევა, რაც ხშირად 10 წლიან ლეგალურ ცხოვრებას, ინტეგრაციასა და სხვა კრიტერიუმების დაკმაყოფილებას მოითხოვს.

შეუძლიათ თუ არა უცხოელებს ქონების გაქირავება?

უცხოელ მესაკუთრეებს სრული უფლება აქვთ, გააქირაონ თავიანთი ქონება. დაბეგვრის სისტემა მარტივია და დამოკიდებულია ქირის მიზნობრიობაზე. საცხოვრებელი ქონების გაქირავებისას, მთლიან საიჯარო შემოსავალზე 5%-იანი ფიქსირებული განაკვეთი მოქმედებს, რაც ინვესტორებისთვის საკმაოდ ხელსაყრელი პირობაა.

კომერციული და სხვა ტიპის ქონების გაქირავება კი იბეგრება სტანდარტული, 20%-იანი საშემოსავლო გადასახადით, რომელიც წმინდა შემოსავლიდან გამოითვლება. აქვე გასათვალისწინებელია, რომ თუ წლიური ბრუნვა 100,000 ლარს აღემატება, შესაძლოა საჭირო გახდეს დღგ-ის გადამხდელად რეგისტრაცია.

როგორ მართავენ უცხოელები ქონებას დისტანციურად?

არარეზიდენტი მესაკუთრეებისთვის ქონების დისტანციურად მართვის რამდენიმე გზა არსებობს. ყველაზე გავრცელებული პროფესიონალური მართვის კომპანიების დაქირავებაა, რომლებიც სრულ სერვისს სთავაზობენ მომხმარებლებს. ისინი იღებენ პასუხისმგებლობას მოიჯარეების პოვნაზე, ფინანსების მართვაზე, ოპერაციულ საკითხებზე და მოიჯარეთა ცვლაზე. ასეთი მომსახურება ყოველთვიური საიჯარო შემოსავლის დაახლოებით 10-20% ჯდება.

რა სიახლეებს ელიან უცხოელი ინვესტორები 2025 წელს?

2025 წლისთვის პერსპექტივები კვლავ პოზიტიურია. ბაზარი აგრძელებს ზრდას, განსაკუთრებით თბილისისა და ბათუმის მიმართულებით. ახალი დეველოპერული პროექტები სულ უფრო მეტ კომფორტს და მართვის მოქნილ სერვისებს სთავაზობს უცხოელ მყიდველებს. საკანონმდებლო ცვლილებები ძირითადად ინვესტიციების დაცვის გაძლიერებისა და ციფრული სერვისების განვითარებისკენ არის მიმართული, რაც კიდევ უფრო ამარტივებს დისტანციურ ტრანზაქციებს.

ამასთან, ქონების გაყიდვისას გადასახადების სისტემა უცვლელი რჩება: საცხოვრებელი ქონება, რომელიც შეძენიდან ორი წლის შემდეგ გაიყიდება, თავისუფლდება მოგების გადასახადისგან. თუ გასხვისება ორ წლამდე პერიოდში ხდება, მოგება 5%-ით იბეგრება. არასაცხოვრებელი ქონების შემთხვევაში კი სტანდარტული 20%-იანი განაკვეთი მოქმედებს.

რატომ ენდობიან უცხოელები საქართველოს?

საქართველოს მიმზიდველობა უცხოელი ინვესტორებისთვის რამდენიმე მთავარ ფაქტორს ეფუძნება: 

კანონმდებლობა, რომელიც თითქმის არ განასხვავებს მათ ადგილობრივებისგან; 

სწრაფი, გამჭვირვალე და ციფრული რეგისტრაციის სისტემა;

შედარებით დაბალი გადასახადები;

ქონების დისტანციურად მართვის კარგად განვითარებული შესაძლებლობები.

ცხადია, ინვესტორებმა უნდა გითვალისწინონ არსებულ შეზღუდვები სასოფლო-სამეურნეო მიწებთან დაკავშირებით. თუმცა, საცხოვრებელი და კომერციული უძრავი ქონების სეგმენტში არსებული თავისუფლება და დაცულობა მათთვის საკმარის მოტივაციის შემქმნელია. 

გამოცდილი დეველოპერული კომპანია ,,მატერია” კარგად იცნობს როგორც ადგილობრივი, ისე უცხოელი ინვესტორების საჭიროებებს. ჩვენი გუნდი მზად არის, გაგიზიაროთ გამოცდილება და დაგეხმაროთ საუკეთესო გადაწყვეტილების მიღებაში.

ხშირად დასმული კითხვები

1. რა არის “მატერია”?

მატერია ქმნის უნიკალური კონცეფციის მქონე საცხოვრებელ პროექტებს. კომპანიის ხედვაა, მფლობელებს შესთავაზოს უმაღლესი ხარისხის საფუძველი (მატერია), რომელიც მათ საშუალებას მისცემს, ის კომფორტულ და სრულყოფილ სახლად აქციონ.

2. როგორ ჩამოყალიბდა “მატერია”?

მატერია ბაზარზე ცნობილი ბრენდის, Outlook Development-ის რებრენდინგის შედეგად ჩამოყალიბდა. ფაქტობრივად, ის ამ კომპანიის მემკვიდრეა და მის საქმიანობას განახლებული ხედვით აგრძელებს.

3. ვინ ასრულებს სამშენებლო სამუშაოებს მატერიას პროექტებში?

პროექტების სამშენებლო მიმართულებას უძღვება Outlook Construction. ეს არის კომპანია, რომელსაც ამ სფეროში 15-წლიანი გამოცდილება აქვს. ეს გამოცდილება დადასტურებულია ისეთი წარმატებული პროექტებით, როგორებიცაა სრულად გაყიდული Outlook Vake და ახალი პროექტი Outlook Forest. 

5. რა ძირითადი მიმართულებებით მუშაობს მატერია?

კომპანია ბაზარზე სამი ძირითადი მიმართულებით არის წარმოდგენილი:

მატერია ლივინგი: პრემიუმ კლასის საცხოვრებელი აპარტამენტები.

მატერია ისთეითი: ინფრასტრუქტურით გამართული მიწის ნაკვეთები ინდივიდუალური პროექტებისთვის.

მატერია ჰილსი: ექსკლუზიური ვილები.

6. სად მდებარეობს მატერიას გაყიდვების ოფისი?

მშენებარე ბინებისა და სხვა პროექტების შესახებ დეტალური ინფორმაციის მისაღებად შეგიძლიათ ეწვიოთ გაყიდვების ოფისს მისამართზე: ქ. თბილისი, ვასილ ბარნოვის ქუჩა #84 ან დაგვიკავშირდეთ ნომერზე +995 0322 11 11 10